" THE GAME" குறும்படம் ஒரு பார்வை

தயாரிப்பு: - சமா கிரியேசன்ஸ்
நடிகர்கள்:-அ.உமாகரன் , நே.லாவண்ஜன்
இசை: -        ஜீசஸ் யுவராஜ்
ஒளிப்பதிவு/எடிட்டிங்/இயக்கம்: - இ.நிஷாந்தனின்

மிக அண்மையில் வெளியாகி இருக்கும் இந்த குறும்படம் யாழ் கலைஞர்களின் ஒரு நல்ல முயற்சி.

சமுக சிந்தனை ஒன்றை தனக்குரிய பாணியில் சொல்லியிருக்கிறார் இந்த குறும்படத்தின் இயக்குனர் இ.நிஷாந்தன் வரவேற்கத்தக்கது.

தொழில்நுட்ப ரீதியில் நம்மை அசர வைத்திருக்கிறார்கள் இந்த கலைஞர்கள்.

படத்தின் இசையும்,ஒளிப்பதிவும் பாரட்டுக்குரிய விடயங்கள்.

இக் குறும்படத்தின் நடித்த உமாகரன் தனது நடிப்பு திறமையை வெளிப்படுத்தியிருக்கிறார்.மேலும் நல்ல வாய்ப்புகள் அவரை சிறந்த கலைஞனாக மாற்றும்.

குறும்படத்தில் குறைகள் இருந்தாலும்,இக் குறும்படத்தில் பணி புரிந்த கலைஞர்களுக்கு தாம் விட்ட தவறுகள் என்ன என்பது அனுபவத்தில் தெரிந்திருக்கும்.அதை அவர்களது  அடுத்த குறும்படத்தில் திறுத்திக்கொள்வார்கள் என்ற நம்பிக்கை நமக்கிருக்கிறது,ஏன் என்றால் நாம் வளர்ந்து வரும் கலைஞர்கள் நாமாக கற்றுக்கொள்வோம்,வெற்றிபெறுவோம்.

இந்த குறும்படத்தை இங்கே (link) அழுத்துவதன் மூலம்  பார்வையிடலாம்

http://www.youtube.com/watch?v=GIx4SY7bwHA&feature=plcp&context=C4f47a47VDvjVQa1PpcFMVkEXhXQQhcinTkaJUv5Ly26xLK597ZKo%3D

யாழிலிருந்து மலரும் "வெள்ளைப்பூக்கள்"-குறும்படம்

நெடுந்தீவு முகிலனின்-"வெள்ளைப்பூக்கள்" குறும் படம்

 

வரும்  8-3-2012 வியாளக்கிழமை காலை 10.35 மணியளவில் யாழ் ஞானம்ஸ் கோட்டலில் யாழ் தேசிய இளைஞர் சேவைகள் மன்ற பணிப்பாளர் த.ஈஸ்வரறாஜா தலைமையில் வெளியிடப்படவுள்ளது.

பிரதம விருந்தினராக யாழ் அரசாங்க அதிபர் இமெல்டா சுகுமார் அவர்கள் கலந்து சிறப்பிக்கவுளளார்.

 பன்முக திறமை கொண்ட நெடுந்தீவு முகிலன்,இப் படம் இளம் தமிழ் விதவைகளின் அவலத்தை திரையிட்டு காட்டுகிறது என தெரிவித்துள்ளார்.

விதவைகளின் அவலத்தை பேசும் இப்படம் மகளீர் தினத்தன்றே (8-3-2012)வெளியிடப்படுவது இன்னொரு சிறப்பம்சமாகும்.

 வெள்ளைப்பூக்கள் குறும்படத்தில் கிருத்திகன் - இந்து ஆகியோர் கதாநாயகன் கதாநாயகியாக நடித்துள்ளனர் இசைப்பிரியன் இக்குறும்படத்திற்கு இசையமைத்துள்ளார் .

இம் முயற்சிக்கு எமது பாராட்டுக்கள்.எல்லோருடைய ஒத்துழைப்பும் இந்த கலைஞர்களை  ஊக்கப்படுத்தும்.

 

 

 

"THE GAME"-குறும்படத்தின் ஆரம்பம்

யாழ் மண்ணிலிருந்து குறும்படங்களின் தயாரிப்பு அதிகரித்திருப்பது மகிழ்ச்சியான நல்ல அறிகுறி.அந்த வரிசையில் ஈழத்திலிருந்து  ஒரு குறும்படம் " THE GAME".

தயாரிப்பு: “சமா” கிரியேசன்ஸ்
இயக்கம்:  இ.நிஷாந்தனின்
இசை:         ஜீசஸ் யுவராஜ்

அ.உமாகரன் , நே.லாவண்ஜன்  ஆகியோர் நடித்துள்ள  இக்குறும்படம் வன்முறைகளால் நாம் இழந்தது எதை ? இனியும் வன்முறைகள் எமக்கு தேவையா? என்ற கேள்விகளுக்கு விடையாக அமையும் என இந்த குறும்படத்தின் இயக்குனர் இ.நிஷாந்தன் தெரிவித்துள்ளார்.இன்னும் சில நாட்களில் ” THE GAME ” குறும்படம் வெளியிடப்படும் என குறும்பட குழு தெரிவித்துள்ளது.இப்படத்திற்கு ஊடக அனுசரனை வழங்கியிருப்பவர்கள் Londan.fm மற்றும் jhcboys.com .இந்த கலைஞர்களை நம்கலை வாழ்த்துகிறது.இவ்வகையான் முயற்சிகள் மேலும் தொடரவேண்டும் எனவும் கேட்டுக்கொள்கிறது.

வவுனியாவிலிருந்து-"சுதந்திர தாகம் "

வவுனியா கலைஞர்களின் புதிய படைப்பாக வெளிவந்திருக்கும் குறுந்திரைப்படம் "சுதந்திர தாகம் " .

தயாரிப்பு : ஸ்டார் மீடியா  
திரைக்கதை : Teyron Terence
நடிகர்: துஜான்
ஒளிப்பதிவு/எடிட்டிங்/இயக்கம் : தி. பிரியந்தன்


"சுதந்திர தாகம்" குறுந்திரைப்படம் வவுனியாவில் 02-02-2012 வெளியிடப்பட்டுள்ளது.

திருநாதன் பிரியந்தன் இவர் ஸ்டார் மீடியா(star media) என்ற ஸ்டுடியோவை வவுனியாவில் நிர்வகித்து வருகின்றார்.இவரது முதலாவது படைப்பாக சுகாதார வைத்திய அத்தியட்சகர் டாக்டர் .டி . சத்தியமுர்த்தி அவர்களின் டெங்கு ஒழிப்பு ஆவணப்படம். தொடர்ந்து SHADE நிறுவனம் தயாரித்த "ஒளிக்கீற்று "குறும்படம், கந்தப்பு ஜெயந்தனின் யாழ் தேவி இசை அல்பம் அந்த வரிசையில் "சுதந்திர தாகம்" என்ற குறும்படத்தை தற்பொழுது வெளியிட்டுள்ளார்.
இப்படத்திற்கு திரைக்கதை எழுதிய Teyron Terence இலங்கையர் இவர் தற்பொழுது இந்தியாவில் online எட்டிடராக பணியாற்றுகின்றார்.

இக்கலைஞர்களின் முயற்சியை நாம் பாராட்டுவதோடு இவர்களின் சிறிய முயற்சி பெரிய விருட்சமாக வளர எமது வாழ்த்துக்கள்.

"எதற்கு" -ஒரு குறும்படம்

எமது மண்ணின் கலைஞர்கள் ஈழத்து சினிமாவை நோக்கி விரைந்து கொண்டிருக்கிறார்கள்.ஒரு படைப்பு தயாராகிக்கொண்டிருக்கிறது திருமலை மண்ணில்."எதற்கு" என்று பெயர் சூட்டப்பட்டிருக்கும் இக்குறும்படம் ஜோர்ஜ் வீடியோ ப்ரொடக்க்ஷன்(George video production) தயாரிக்க,கதை மற்றும் இயக்கம் கனுட் ரொட்ரிகோ.ஒளிப்பதிவு,படத்தொகுப்பு மற்றும் தயாரிப்பு நிக்கி தொம்சன்.கல்டஸ் நெல்சன் மற்றும் பி.வினோஜ் நடித்திருக்கிறார்கள்.

இப்படத்தின் முன்னோட்டம்(trailer)வெளியிடப்பட்டிருக்கிறது.விரைவில் இந்த குறும்படம் திரையிடப்பட்டு வெளியாகும் என அறிவித்திருக்கிறார்கள் இப்படத்தின் கலைஞர்கள்.இக் கலைஞர்களின் முயற்சிக்கு எமது பராட்டுக்கள்.

ஈழத்தின் சிறந்த இளம் பாடலாசிரியர்களுக்கான விருதுகள் 2011

இலங்கை கலைஞர்கள் சங்கம் நடாத்திய ஈழத்தின்  இளம் பாடலாசிரியர் 2011 இற்கான போட்டி முடிவுகள் அறிவிக்கப்பட்டுள்ளன.

இளம் பாடலாசிரியர்களான முல்லை நிசாந்தன்,பொத்துவில் அஸ்மின்,எஸ்.வீ.ஆர் பாமினி,நெடுந்தீவு முகிலன்,சாந்தருபன் ஆகியோர் தெரிவுசெய்யப்பட்டிருந்தனர்.

உலகெங்கிலும் பரந்து வாழும் தமிழ் மக்களிடம் நடத்தப்பெற்ற   கருத்து கணிப்பின் படி  கல்லறைப் பூக்கள், விடியலைக்காண, தியாகத்தின் மூச்சு என பல ஆல்பங்களில் பாடல்களை எழுதிய  ஈழத்து பெண் கவிஞரான எஸ்.வீ.ஆர்.பாமினி முதலாவதாக தெரிவு செய்யப்பட்டுள்ளார்.

எங்கோ பிறந்தவள், காந்தள் பூக்கும் போன்ற பாடல்களை எழுதிய பொத்துவில் அஸ்மின் இரண்டாவது இடத்தையும்,

நெடுந்தீவு முகிலன் மூன்றாம் இடத்தையும் பெற்றுக் கொண்டுள்ளனர்.

ஈழத்தின் இசைத்துறையில் மணம் வீச தொடங்கியிருக்கும் இக்கவிஞர்களை நம்கலை சார்பாக சிகரம் தொட வாழ்த்துகிறோம்.

வணக்கம் அன்பர்களே,நண்பர்களே...நமக்கும் ஒரு சினிமா-ஈழத்து சினிமா, என்பது எமது மாத்திரம் அல்ல எல்லோரதும் கனவு.அதற்கான முயற்சியின் ஆரம்பம் இந்த நம்கலை வலைத்தளம்.இந்த தளத்தை  மார்கழி 29 இல் ஆரம்பிக்க ஒரு சிறப்பு காரணம் உண்டு.நாம் முதன்முதலாக ஈழத்தில் சினிமா தொடங்கிய சிறப்பு வாய்ந்த நாள் இன்று என்பதால்.  இன்று முதல்  வலை பதிவுலகில் தவழவிடும் இந்த நம்கலை  தளம் எதிர்காலத்தில் ஒரு சுயாதீன இணையதளமாகமாக இயக்கும் முயற்சிக்கான திறவுகோல். இதற்கு நம் கலைஞர்களின்,ஈழத்து சினிமா ஆர்வலர்களின் ஒத்துழைப்பு அவசியம்.இந்த நம்கலை தளம்
முற்றுமுழுதாக ஈழத்து சினிமா செய்திகளை தாங்கிவரும்...நன்றி